تجميعة بسعر 3 الاف جنيه فقط

السلام عليكم ورحمة الله وبركاته 
انهردة معاية فيديو عن ارخص تجميعة جيمنج فى مصر ومش بس كده فى جزء تانى هتكلم فيه عن باقى حجات التجميعة دى وازاى تحدثها اى 5 او 7 الجيل ال3 منغير ما تكلف نفسك كتير
يريت لو عحبكو الفيديو لايك وسبسكرايب والله تعبت فيه 5 سعات وفى الاخر طلع وحش انا كنت هعمله وايت بورد بس كان هياخد معاية وقت كتير فشخ 
المهم يريت يعجبكو الفيديو ولو عجبكو اشتركو فى القناة وفعلو الجرس هنزل الجزء التانى وهنزل عن تجميعة للالعاب الضعيفة زى كروس فاير وببجى موبايل و كريتيف وبلاك سكواد .

نخش على الشرح :

اغلبنا شاف التجميعة اللي ب 5000 و 7000 و 8000 عاليوتيوب و المفروض انها ارخص شئ ممكن و أنها للناس اللي ممعهاش فلوس خالص 

بس انا واحد من الناس اللي بالنسبالي 5000 كتير

التجميعة دي بتشغل كل حاجة حتي الآن بس انت تظبط الإعدادات لكل لعبة حتي تومب رايدر و ذا ويتشر هتشغلهم .

مواصفات التجميعة : 

• core 2 quad q9650 3.0ghz cash 12m 4 cores
• asus gt 1030 2gb DDR5 OC
• Ram 6GB DDR3 1333Ghz/4+2
• mazarboard Gigabyte G41 
• ANY Case +PSU

اسعار التجميعة :

• سعر البروسيسور 700 جنيه 
• سعر الكارت 1700 جنيه 
• سعر الرام 600 جنيه
• سعر المازربوارد 250 جنيه 
• اي كيسة بباور عادي لان الكارت ده مبياخدش غير 30 وات من البوردة 500جنيه

كدا يبقا المجموع 3750 جنيه بس .

معلومة مهمة ازا كان جهازك قديم :

في حالتي انا بقا كان عندي جهاز بقاله 10 سنين تقريبا بيهنج مع لعبة جاتا سان اندرياس 

فمزودتش غير المعالج و رامة 4 جيجا و كارت الشاشة يعني التكلفة عليا 2,775جنيه .

معلومة مهمة :

و لو هتقولي انا ليه اصرف علي حاجات قديمة هقولك شيل منهم ثمن الكارت اللي هوا حديث و اداؤه مقبول جدا هتلاقي نفسك صرفت عليهم 2000 جنيه تقريبا و لو زي حالتي هيبقا 1000جنيه وهو عموما هوا ده اخر حل نقدر نعمله للميزانية الميتة خالص .

عيوب التجميعة :

التجميعة دي انا عارف انها مش قابله للتحديث لقدام اوي لان متقدرش تزود الرامات عن 8 جيجا و متقدرش تزود المعالج لان ده اقوي معالج البوردة بتشغله .

الخلاصة :
لو عندك جهاز قديم فيه بورده G41 هتدفع 2,775جنيه
و لو معندكش خالص هتدفع 3,750جنيه

الفيديو الخاص بالشرح :